Вина

B&B ROSE

БиБ е квалитетно суво розе со темна лосос боја, добиено е од сортата Каберне Совињон. Вибратно и свежо вино од кое налетуваат овошни ароми типични за оваа сорта, супер избалансирано со средни киселини и фини истенчени зачински завршетоци. Се служи на температура од 10-12С во комбинација со морски плодови, лесни тестенини, сирење, салати и овошни десерти.

Каберне Совињон

10 - 12 °C

МЕРЛОТ

Мерлот е квалитетно суво црвено вино со светла рубин нијанса. Открива ароми на шумски овошја пропратени со мирис на изразено буке од цреша и ноти од рибизла. Добиено е од сопствен лозов насад во с. Драгобраште, Виничко виногорје. Ова вино се служи на температура од 16-18С во комбинација со печено говедско или печено јагне.

Мерлот

16 - 18 °C

СОВИЊОН БЛАНК

Совињон Бланк е квалитено бело вино со жолто-сламеста боја и зеленикава нијанса , открива прекрасни вкусови на тропски овошја и силна арома на бозел. Добиено од сопствен лозов насад во с. Драгобраште, Виничко виногорје. Ова вино се служи разладено на температура од 8-10С во комбинација риба, морски плодови, лесни предјадења и пилешко месо.

Совињон Бланк

8 - 10 °C

СМЕДЕРЕВКА

Смедеревка е квалитетно полусуво бело вино со светложолта боја. Ова едноставно секојдневно вино ви нуди пријатен овошен вкус и свежина со изразени ароми на зелени овошја и одличен послевкус со умерено влијание на лимон. Добиено е од сопствен лозов насад во с. Драгобраште, Виничко виногорје. Ова вино се служи разладено на температура од 10-12С во комбинација со бело месо, салати и сите видови предјадења.

Бленд

10 - 12 °C

КАБАРНЕ СОВИЊОН

Кабарне Совињон е квалитетно суво црвено вино со темновиолетова нијанса. Има богата арома на ситни црни овошја и темјанушки пропратени со долг послевкус и затскриени зачински вкусови. Добиено е од сопствен лозов насад во с. Драгобраште, Виничко виногорје. Ова вино се служи разладено на температура од 18-20С во комбинација со дивеч и сите видови црвени меса.

Кабарнет Франк и Совињон Бланк

18 - 20 °C

ВРАНЕЦ

Вранец е квалитетно суво црвено вино со темно црвена боја. Има богата арома и долг финиш со изразен мирис на црна слива и ноти на ситни овошја, питко вино со скротени танини и ускладени киселини. Добиено е од сопствен лозов насад во с. Драгобраште, Виничко виногорје. Ова вино се служи разладено на температура од 18-20С во комбинација со дивеч и сите видови црвени меса.

Вранец

18 - 20 °C

КУВЕ - ВРАНЕЦ И МЕРЛОТ

Квалитетно полусуво црвено вино добиено од внимателно одбрани гроздови од сортите Вранец и Мерлот. Се карактеризира со изворедни ароми на слива, шумски плодови, нежни зачини и дискретна арома на тобако, карактеристики кои ги нуди самата микролокација. Полноста на телото на ова вино е комплетирана со топлина и мекост од зреењето со дабова алтернатива во период од 300 дена. Се служи на температура од 16-18С во комбинација со сирење и специјалитети од месо и дивеч.

Вранец и Мерлот - Куве

16 - 18 °C